Kryeministri Edi Rama ka informuar mbi shëndetin e të prekurve nga koronavirusi.
Kreu i qeverisë ka bërë të ditur se në spitalin infektiv janë të shtruar 20 persona të infektuar me koronavirus.
Të infektuarit të cilët janë të moshës nga 30 vjeç deri 85 vjeç, sipas kryeministrit, nga 20 personat e shtruar, 3 janë në reanimacion, ku njëri preh tyre është me frymëmarrje të drejtuar.
“Sot, në vigjilje të javës që sipas të gjitha statistikave ngre furtunën kemi të shtruar 20 motra e vëllezër, nga të cilët
10 janë të moshës 60-85 vjeç
6 janë të moshës 50-60 vjeç
4 janë të moshës 30-49 vjeç
Vetëm 3 prej të shtruarve janë në reanimacion dhe 1 prej tyre me frymëmarrje të drejtuar. të tjerët janë në gjendje të qëndrueshme dhe 3 nga këta shfaqin shenja inkurajuese përmirësimi
Zoti u dhëntë mjekëve e infermierëve që kujdesen për ta të gjithë forcën e frymëzimin që u duhet dhe lutjet tona lehtësofshin rrugën e kthimit në jetën normale të çdonjërit prej të shtruarve.”, shkruan Rama.
