Qëndrimi për një kohë të gjatë në shtëpi i mërzit fëmijët dhe jo pa të drejtë. Por në këtë situatë ushqimi mund të jetë një mënyrë e mirë se si tu ndryshoni atyre gjendjen e humorit. Më poshtë janë disa receta të thjeshta gatimi për fëmijët tuaj.
1-Kek me reçel portokalli
Përbërësit
300 gr miell
100 gr sheqer
4 kokrra vezë
230 ml kos i bardhe
100 gr gjalpë i shkrire
100 gr reçel portokalli
1 pako maja per ëmbëlsira
pak sode buke
Përgatitja
Për kek me reçel portokalli llojmë duke rrahur vezët se bashku me sheqerin. Shtojmë me pas reçelin e portokallit. I përziejmë së bashku dhe më pas shtojmë edhe kosin e bardhë.
Në një enë tjetër përziejmë miellin me majanë për ëmbëlsira dhe sodën e bukës. Sitim miellin sipër vezëve dhe e trazojmë të gjithë masën. Tek ëmbëlsira hedhim edhe gjalpin e shkrirë por jo të nxehtë. E trazojmë derisa të arrijmë një mase homogjene.
Masën e hedhim në një tavë të lyer gjalpë më parë dhe e pjekim në furrë të nxehtë për 30-40 minuta në temperaturën 180°C.
Ëmbëlsira kek me reçel portokalli është gati. E lemë të ohet dhe kur e shërbejmë hedhim sipër sheqer pluhur.
2-Akullore shtëpie me çokollatë
Përbërësit
500 ml qumësht
150 gr sheqer
2 lugë gjelle sheqer pluhur
50 gr çokollatë të zezë
50 gr çokokrem Nutella
20 gr kakao pluhur
3 vezë
Pak aromë vanilje
Përgatitja
Si llim duhet të gjejmë një enë inoksi për përgatitjen e akullores në mënyrë që të futet edhe në ngrirje në frigorifer.
Marrim vezët dhe ndajmë të verdhat nga të bardhat. Këto të fundit i hedhim në një enë me 2 lugë sheqer pluhur.
Të verdhat e vezëve i hedhim në një tenxhere ku shtojmë dhe sheqerin e kakaon pluhur. I trazojmë mirë dhe shtojmë ngadalë qumështin duke e trazuar në mënyrë që të mos krijohen kokrriza. Shtojmë edhe aromën e vaniljes. Trazojmë mirë gjithë përbërësit.
Vendosim tenxheren në zjarr dhe e lemë derisa të llojë të marrë valë. Fikim zjarrin dhe lemë masën e përgatitur të qetësohet.
Ndërkohë shkrijmë në banjomaria çokollatën. Kur kjo të jetë shkrirë, shtojmë çokokremin (Nutella). I bashkojmë mirë dhe i hedhim në tenxheren ku kemi përgatitur më parë masën me kakao. I trazojmë mirë së bashku.
Të bardhat e vezëve të cilat i bashkuam me sheqerin pluhur llojmë ti rrahim duke futur enën në fillim banjomaria përreth 1 minutë e më pas i rrahim normalisht.
Pasi i kemi rrahur, bashkojmë këto në tenxheren me masën e përgatitur më parë. I trazojmë mirë me ngadalë.
Masën e përgatitur e hedhim në enën e inoksit të ohtë, të cilën e kemi futur paraprakisht në frigorifer.
Akullorja duhet të rrijë të paktën për 5 orë në ngrirje. Duhet të kujtohemi që çdo 45 minuta duhet të trazojmë akulloren në mënyrë që të thyejmë kristalet e akullit që krijohen në sipërfaqe.
3-Byrek i mbushur në formë lule
Përbërësit për brumin
200 ml kos të bardhë
200 ml qumësht
2 vezë
1 lxhan vaj ulliri
1 pako maja për bukë
800 gr miell
pak kripë
pak vaj ulliri
Përbërësit për mbushjen
200 gr djathë i bardhë
100 gr gjizë
Përbërësit për lyerjen
1 vezë
50 gr djathë të grirë
Përgatitja
Fillojmë të përgatisim brumin duke hedhur miellin në një tepsi. E hapim në mes dhe hedhim pak kripë, vezët e llojmë ta përziejmë. Shtojmë me radhë vajin, qumështin e më pas kosin.
Në fund shtojmë majanë të cilën e kemi shkrirë paraprakisht me pak qumësht. E ngjeshim mirë brumin përreth 15 minuta derisa të arrijmë një masë homogjene. E vendosim brumin në tepsi dhe e lemë të pushojë përreth 30 minuta.
Pasi ka pushuar brumi, e marrim dhe e ndajmë në dy pjesë. I hapim pjesët në dy petë. Një petë e shtrojmë në tepsi ku kemi shtruar një letër furri. E mbushim petën sipër me djathin e shtypur të përzier me gjizën. E mbulojmë sipër me petën tjetër. Duhet të kemi kujdes që të puthiten mirë të dyja petët. Me një thikë llojmë të presim byrekun në katër pjesë, cdo çerek cope e ndajmë më katërsh. Do të kemi kështu gjithsej 16 copa. Duke pasur kujdes që të mos shkëputen nga tepsia, e dredhim çdo pjesë në vetvete dhe i bashkojmë dy e nga dy sikur të ishte një gërshet. Do të kemi kështu 8 gërsheta brumi. E lyejmë sipër byrekun me vezën e rrahur dhe i hedhim sipër djathin e grirë.
Vendosim tavën në furrë të nxehtë 200°C dhe e pjekim përreth 35-40 minuta, derisa të shohim që pjesa sipër ka marrë një ngjyrë të bukur të verdhë në kafe. Njerrim tavën nga furri, e lemë të ohet pak e më pas e shërbejmë.
