“Porosia e OBSH nuk po zbatohet në Shqipëri”, PD: Qeveria të rrisë fondet për testet

113 563 lexime

124,178FansaPëlqeje

Partia Demokratike kërkon nga Qeveria që të zbatojë porosinë e Organizatës Botërore të Shëndetësisë për të realizuar sa më shumë teste për koronavirusin. Mirela Tabaku u shpreh nga selia blu se porosia e OBSH-së nuk po zbatohet në Shqipëri dhe se numri i testeve ka rënie drastike.

Ajo kërkoi shpjegime nga Qeveria për këtë situatë dhe bëri thirrje për rritjen e fondeve për testimin masiv të popullisë.

OBSH deklaroi dje se izolimi në shtëpi nuk i jep fund koronavirusit, por siç ka në treguar shembujt e Koresë së Jugut dhe Kinës është testimi masiv që izolon virusin.

Reagimi i PD

Partia Demokratike po ndjek me shqetësim zhvillimin e pandemisë së COVID 19 në Shqipëri. Ajo që kemi vënë re është ulja e numrit të  personave që testohen krahasuar me fillimin e javës së kaluar. Mënyra sesi po vepron Shqipëria shkon në kundërshtim me porositë e dhëna nga Organizata Botërore e Shëndetësisë, e cila këshillon qeveritë për protokollet që duhet të ndjekin për të minimizuar përhapjen e sëmundjes.

Vetëm një ditë më parë, drejtori i përgjithshëm i OBSH dha një mesazh shumë të rëndësishëm: TESTONI! TESTONI! TESTONI!

Po e citoj të plotë mesazhin e tij për të gjithë qeveritë e botës!

“Mënyra më efektive për të parandaluar infeksionet dhe për të shpëtuar jetën është thyerja e zinxhirëve të transmetimit. Për ta bërë atë, ju duhet të testoni dhe izoloni. Ne nuk mund ta ndalojmë këtë pandemi, nëse nuk e dimë se kush është i infektuar.Kemi një mesazh të thjeshtë për të gjitha vendet: TESTONI, TESTONI, TESTONI.”

Cili është realiteti në Shqipëri?

Dy ditë më parë Partia Demokratike, bazuar në numrin e testeve të bëra, e ngriti këtë problematikë me shumë forcë, pasi të dhënat zyrtare të testimeve tregojnë se numri i tyre është ulur  në mënyrë drastike dhe të pashpjegueshme.

Lexo edhe :  Gara në qarkun Korçë, PS nuk i mjafton 1 votë për avantazh, por diaspora mund ta ndihmojë

Në 10 mars, një ditë pas konfirmimit të rastit të parë, janë kryer 114 teste.

Më 11 mars – 127 teste. Me këtë ritëm është vazhduar deri të premten, kur në 15 mars janë bërë  27 teste, dje vetëm 31 dhe sot u raportua për 42 teste në 24 orët e fundit.

Ajo që po ndodh në Shqipëri është se numri i personave që paraqesin ankesa dhe simptoma rritet, ndërsa numri i të testuarve pakësohet. Pyetja e të gjithëve është: çfarë po ndodh? Mungojnë tamponët, mungojnë kitet për t’i analizuar më pas mostrat që merren?

Shqiptarët kanë të drejtë ta dinë pse veprojmë kundër këshillave të Organizatës Botërore të Shëndetësisë.

Bazuar nga praktikat më të mira të vendeve të përfshirë nga kjo epidemi, bazuar në atë çfarë OBSH këshillon, duhet që të gjitha marrat e marra, të kombinohen me testime të shtuara.

Duhen shtuar fondet për tampone, fondet per kite të bërjes së testeve!

Duhet nxituar, pasi jemi vonë!

Mosveprimi do të ishte një gabim me pasoja të rënda!

Duhet bërë gjithçka, duhet mobilizuar çdo fond dhe, sëbashku, të bëjmë çdo gjë për të qenë një hap para krizës, për të qenë sa më efikasë.

Nuk ka fjalë më të vlefshme për këtë kohë sesa fjalët e Drejtorit të OBSH-së: Testoni, testoni, testoni!

Të fundit

“Provinciale që donte të bëhej qytetare”, G Banit nuk i del inati me Danjën

Duket se G Bani nuk i ka dalë akoma inati me ish-banoren e “Big Brother VIP Albania 4”, Danjën,...

Gary Kokalari sulmon Berishën: Mjeku që i bëri autopsinë Kosta Trebickës, sot kandidat

Aktivisti shqiptaro-amerikan Gary Kokalari i ka shkruar një letër drejtuesit të SPAK, Altin Dumani, ku rendit disa veprime të dyshimta dhe në dukje të...

Rama: Nëse Vlora nuk thyen rekord më 11 maj, do jetë turp i madh!

Në përfundim të takimit elektoral me vajzat dhe gratë në Vlorë, kryeministri Edi Rama dha një mesazh për patriotët e tij. Duke sjellë në vëmendje...

29-vjeçari grek dyshohet se vrau veten, a ka lidhje trafikanti shqiptar?

Një ekip i FBI-së greke është dërguar në Lesvos për të hetuar faktet e çuditshme në rastin e vdekjes së rojes bregdetare, 29-vjeçarit, Nikos...

Një hungarez mund të bëhet Papa i ardhshëm, cilat janë lidhjet e tij me Viktor Orban?

Pas ndarjes nga jeta të Papa Françeskut më 21 prill, kanë nisur spekulimet për pasuesin e tij në krye të Selisë së Shenjtë. Një...

Lajme të tjera

Web TV