Kryeministri Edi Rama ka reaguar lidhur me garancinë financiare që kërkojnë bizneset që janë goditur si pasojë e situatës së krijuar nga koronavirusi.
Sipas kreut të qeverisë, ditën e enjte do të jetë gati plani për garancinë financiare dhe për kompensimin e pagave të munguara për çdo biznes.
Gjithshtu, përmes një mesazhi në ‘Facebook’, Rama ka kërkuar të qetësojë edhe qytetarët që janë në karantinë në shtëpi dhe në pamundësi për të punuar duke bërë që të mos përballojnë dot jetesën. Sipas tij, nuk do të vijë fundi i muajit pa marrë pagën.
Mesazhi i Ramës:
? JU LUTEM TË GJITHË ATYRE QË JANË NË SHTËPI PAS MBYLLJES SË AKTIVITETIT EKONOMIK, TË RRINË TË QETË DHE BËJNË DURIM SEPSE TË ENJTEN DO TË KEMI GATI PLANIN E GARANCISË FINANCIARE PËR KOMPENSIMIN E PAGAVE TË MUNGUARA TË ÇDO BIZNESI!
? NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!
? DURIM JU LUTEM DHE BESIM QË PO PUNOJMË PAPUSHIM PËR TË MOS LËNË ASNJË VETËM NË PËRBALLIMIN E PASOJËS FINANCIARE TË MOSVAJTJES NË PUNË!
