17 shqiptarë kanë mbetur të bllokuar në Spanjë si pasojë e situatës së krijuar nga koronavirusi dhe mbylljes së kufijve nga ana e vendeve evropiane për të parandaluar përhapjen e Covid-19.
Të 17 shqiptarët të cilët kishin shkuar me pushime në Spanjë, nuk mund të lëvizin askund dhe nuk mund të shkojnë në asnjë vend tjetër, ndërsa kanë me vete edhe fëmijët.
Personat e bllokuar në Spanjë i kanë bërë apel shtetit shqiptar që t’i ndihmojë për të gjetur një mënyrë që t’i rikthejë në atdhe. Ndërsa theksojnë se i kanë kërkuar ndihmë edhe ambasadës shqiptare në Madrid, por nuk kanë marrë as përgjigje dhe as garanci.
Shqipëria deri më tani nuk ka asnjë informacion zyrtar mbi numrin e shqiptarëve që ndodhen jashtë kufijve të Shqipërisë që duan të kthehen në atdhe, veçanërisht të personave të bllokuar siç është në rastin konkret të 17 shqiptarëve së bashku me fëmijët e tyre.
Ky është denoncimi i dytë që vjen nga shqiptarët e mbetur jashtë kufijve të vendit si pasojë e koronavirusit pas atij të kreut të PAA-së, Agron Duka i cili është bllokuar në Gjermani me shumë të tjerë dhe pret të kthehet në Shqipëri.
LEXO EDHE:
Agron Duka bllokohet në Gjermani: Edhe po ngela këtu, s’ka gjë! Shërohesh më kollaj nga koronavirusi
