Lëvizja Socialiste për Integrim ka bërë me dije se ka ngritur një shtab qendror, që do të shërbejë për monitorimin dhe mbështetjen lidhur me situatën e koronavirusit.
Përmes një joftimi për mediat LSI tregon se shtabi drejtohet nga nënkryetari i kësaj partie dhe ish- ministri i Shëndetësisë, Petrit Vasili si dhe nga dy ish- deputetë Vangel Tavo dhe Floida Kërpaçi. Pjesë e këtij shtabi do jenë mjekë dhe infermierë si dhe LSI siguron se administrata e saj ka marrë të gjitha masat për sigurimin e mbrojtjes sanitare të Shtabit.
LSI i propozoi sot qeverisë një paketë me 7 masa ekonomike për të përballuar situatën me koronavirusin dhe për t’i ardhur në ndihmë qytetarëve, bizneseve, studentëve dhe fermerëve të prekur na situata si dhe kërkoi shpalljen e gjendjes së jashtëzakonshme./Fjala.al/
