Pavarësisht se Bashkia e Tiranës mori vendimin për të pezulluar linjën e urbanëve në kryeqytet për të parandaluar përhapjen e koronavirusit, ka edhe linja të autobusëve që e kanë thyer këtë vendim.
Kështu linja e urbanit Kombinat-Kinostudio ka shkelur vendimin e Bashkisë së Tiranës duke transportuar qytetarët, siç duket edhe në foton e dërguar në redaksinë e Fjala.al.
Vendimi i plotë i Bashkisë së Tiranës:
Bashkia e Tiranës në kuadër të marrjes së masave për të mundesuar moslejimin e perhapjes se virusit COVID-19, njofton qytetaret se duke filluar nga data 12 mars deri në një afat të pacaktuar pezullohet:
i) shërbimi i transportit qytetes (linjat brenda qytetit te Tiranes),
ii) shërbimi i transportit rrethqytetes (linjat që lidhin qytetin e Tiranës me ish njesitë administrative/Komunat
iii)shërbimi i transportit nderqytetes ushqyes (linjat që lidhin Bashkinë e Tiranës me Bashkinë e Kamzës dhe Bashkinë e Vorës
Bashkia e Tiranës kërkon mirëkuptimin e qytetareve për masën e pezullimit të përkohshëm të ketyre shërbimeve të transportit, por gjykon se masa është e domosdoshme për të ritur eficencën e sistemit të mbrojtjes ndaj përhapjes së mëtejshme të virusit.
