Deri më tani janë rreth 1500 shkelës të cilët janë ndëshkuar për thyerjen e masave që ka marrë qeveria për mospërhapjen e koronavirusit. Policia e Shtetit njofton se është duke evidentuar të gjithë ata që shkelin rregullat e vendosura.
Ndërkohë në Vlorë janë ndaluar 6 persona, ku 2 prej tyre u është hequr edhe leja e drejtimit.
Nga ana tjetër, vijon edhe puna për evidentimin personave që kanë thyer karantinës që kanë ardhur nga vendet me koronavirus.
Po ashtu po kontrollohen biznese dhe subjekte që vazhdojnë të ushtrojnë aktivitetin e tyre, pavarësisht rregullave.
Në të gjithë vendin janë gjobitur dhe mbyllur një furrë bukë, 4 lokale dhe një call center për mos respektimin e rregullave të vendosura.
Janë proceduar edhe 4 tregtarë në tregun agro-ushqimor në Tiranë pasi i rrisnin çmimet në mënyrë fiktive.
