Partia Demokratike ka reaguar ndaj plani financiar të prezantuar nga kryeministri Edi Rama mbrëmjen e sotme për situatën që është duke kaluar vendi nga koronavirusi.
Përmes një postimi në “Twitter”, PD thekson se propozimi i qeverisë ka nevojë urgjente për transparencë dhe për t’u detajuar, ndërsa i ka vlerësuar masat e shpallura nga qeveria, PD pohon se hapi në fjalë është i pamjaftueshëm.
Reagimi i Partisë Demokratike:
PD e konsideron planin e masave social-ekonomike si të domosdoshëm për përballimin e krizës së shkaktuar nga pandemia e koronavirus. Propozimi i Qeverisë ka nevojë urgjente për transparencë dhe për t’u detajuar. Masat e shpalluara vlerësohen nga PD si një hap i parë i mirëpritur, por i pamjaftueshëm./Fjala.al/
