Ilaçi që përdoret për të luftuar gripin “Favipiravir” ka përshpejtuar shërimin e Covid-19. Testi është bërë në dy studime me një total prej 340 pacientësh. Studimi u realizua në Wuhan dhe Shenzen në Kinë .
“Favipiravir”, i njohur në Japoni me emrin “Avigan”, zvogëlon kohën që ju duhet të sëmurëve me Covid-19 për të eleminuar virusin nga trupi, njoftoi një anëtar i Ministrisë së Shkencës dhe Teknologjisë së Kinës në një konferencë për shtyp, raporton agjencia Reuters.
Në studim u vu re se, një kombinim i dy ilaçeve anti- HIV (lopinavir dhe ritonavir) nuk ishte efektiv në një studim të tretë me 199 pacientë në të cilët Covid-19 tashmë kishte shkaktuar komplikime serioze.
Në pritje të zhvillimit të ilaçeve specifike kundër koronavirusit të ri, Organizata Botërore e Shëndetit (OBSH) njoftoi të enjten takimin ndërkombëtar klinik solidariteti për të vlerësuar efikasitetin e këtyre barnave tashmë të disponueshëm.
Disa prej tyre tashmë janë duke u përdorur në mënyrë eksperimentale në spitalet në Spanjë , një nga vendet pjesëmarrëse në takimin e OBSH. Burimi: lavanguardia, Përshtati: Fjala.al
