Në një kohë kur bota po lufton intensivisht ndaj shpërthimit të koronavirusit, një gjest i pazakontë vjen nga qyteti i Nju Jorkut, ku raportohen deri më tani 22 persona të prekur.
Të enjten në mëngjes, më 19 mars, një person i paidentifikuar i mbuloi fytyrën statujës “Vajza e Guximshme” me një maskë kirurgjikale, të cilën një oficer policie e hoqi më vonë.
“Vajza e guximshme” është një skulpturë bronzi nga Kristen Visbal, e porositur nga State Street Global Advisors (SSGA), një kompani e madhe e administrimit të pasurive.
Statuja u instalua më 7 mars të 2017-s, në pritje të ditës ndërkombëtare të grave. Ajo promovon dukshëm fuqizimin e femrës.
Ndodhet konkretisht përballë Bursës së Nju Jorkut, në rrethin financiar të Manhattan-it.
Fjala.al