Në kushtet e pandemisë së Covid-19, Kryeministri britanik Boris Johnson dhe Sekretari i Shtetit për Arsimin në Britaninë e Madhe Gavin Williamson, konfirmuan mbrëmjen e djeshme që shkollat në Angli do të mbyllen nga e Premtja në mbrëmje, datë 20 Mars.
Ky vendim do të prekë jo vetëm studentët britanikë, por edhe të gjithë nxënësit shqiptarë që aktualisht studiojnë atje.
Shumica e shkollave tashmë i dërguan nxënësit përsëri në Shqipëri javën e kaluar dhe të tjera morën masat e nevojshme për qëndrimin e sigurt të nxënësve edhe në rastin e mbylljes së shkollave. Të gjithë studentët dhe nxënësit shqiptarë janë të sigurt.
