Është ndarë nga jeta në moshën 81 vjeçare legjenda e muzikës amerikane, Kenny Rogers. Ai ndërroi jetë në shtëpinë e tij nga shkaqe natyrale bëri me dije familja.
Autori i “The Gambler” dhe i “Lady” ishte një prej artistëve me influencues dhe më i vlerësuar në muzikën amerikane dhe gjatë karrierës së tij është vlerësuar me dhjetëra çmime, përfshirë Grammy Awards. Si përfaqësues i muzikës country, emir i Rogers është pjesë e Country Music Hall of Fame.
Me rreth 120 këngë, Kenny Rogers regjistroi suksese të shumta, ndërkohë që konsiderohet një prej artistëve me shitjet më të shumta në industrinë e muzikës në SHBA.
Në vitin 1986 ai u përzgjodh “Artisti i Preferuar i të gjitha kohërave” nga lexuesit e USA Today dhe People.
