Qyteti i Durrësit ka bërë një akt shumë të bukur për të treguar solidaritetin me Italinë dhe me viktimat e koronavirusit në vendin fqinj.
Përmes një banderole ku shkruhet “Durazzo ama Italia” që në shqip përkthehet “Durrësi e do Italinë” të shpalosur në bashkinë e qytetit bregdetar, durrësakët kanë dashur të shprehin mbështetjen e tyre në këtë tragjedi që e ka kapur Italinë, e cila numëron qindra viktima nga Covid-19 në ditë.
Kjo banderolë është konceptuar në formën e një zemre, e ndarë në dy pjesë, ku nënjërën anë është vendosur flamuri Italian e në tjetrën ai shqiptar. Qyteti i Durrësit ka pasur gjithmonë lidhjen më të afërt me Italinë edhe për shkak të portit, po ashtu edhe prej numrit të lartë të emigrantëve shqiptarë që jetojnë e punojnë në Itali./Fjala.al/
