Numri i të infektuarve me COVID-19 në Shqipëri ka arritur në 89. Sot janë konfirmuar 13 raste të reja të infektimit. Kjo është shifra më e lartë e personave të infektuar brenda një ditë që konfirmohet në Shqipëri.
8 rastet e reja janë në Tiranë, 3 në Korçë, 1 në Kavajë dhe 1 në Durrës. Numri i personave të testuar ka arritur në 804.
Mosha mesatare e personave të infektuar në vendin tonë është 45 vjeç, me një dominim të meshkujve.
43 është numri i pacientëve që po marrin mjekim në Spitalin Infektiv në kryeqytet, ndërkohë që Ministria e Shëndetësisë bëri thirrje që qytetarët të shmangin spitalet, por të vetëkarantinohen.
Ministria e Shëndetësisë bëri gjithashtu thirrje që qytetarët të respektojnë rregullat e izolimit dhe të qëndrojnë në shtëpi.
