Një person i prekur nga koronavirusi në Shtetet e Bashkuara të Amerikës ka treguar se si u shërua nga ilaçi që përmendi Donald Trump pak ditë më parë.
Rio Giardinieri 52 vjeç u shpreh për Fox News se ai kishte dhimbje të tmerrshme në shpinë, dhimbje koke, kollë dhe lodhje për pesë ditë me radhë pasi ishte prekur nga Covid-19.
Sipas tij, mjekët në Spitalin Joe DiMaggio në Florida të Jugut e diagnostikuan atë me koronavirus dhe pneumoni.
Pas më shumë se një jave, mjekët i thanë se nuk kishin se çfarë të bënin më me të dhe të premten në mbrëmje, Giardinieri i tha lamtumirë gruas së tij dhe tre fëmijëve.
“Unë isha në atë pikë sa mezi po flisja dhe frymëmarrja ishte shumë sfiduese. Unë mendova se ky ishte fundi im.”
Pastaj një shok i dërgoi atij një artikull të ditëve të fundit në lidhje me hydroxychloroquine, një ilaç pa recetë, i cili është përdorur për të trajtuar malarien si dhe sëmundjet auto-imune si lupus.
Studimet kanë zbuluar se janë ilaçi në fjalë është premtues për trajtimin e COVID-19, megjithëse nuk është aprovuar zyrtarisht nga mjekët.
Giardinieri tha se ai kontaktoi një mjek të sëmundjeve infektive në lidhje me ilaçin. “Ai më dha të gjitha arsyet pse unë nuk do të duhej ta provoja sepse nuk ka prova dhe nuk ishte diçka e u aprovuar”, tha Giardinieri.
Por pas insistimit të tij, mjeku ka autorizuar infermieret të cilat ia kanë dhënë ilaçin.
Sipas Giardinierit, pas rreth një ore pasi kishte marrë ilaçin, ndjeu se zemra e tij po i dilte nga gjoksi dhe pas dy orësh, ai përjetëoi të njëjtin episod si më parë ku nuk mund të merrte frymë.
Ai thotë se atij iu dha Benadryl dhe disa ilaçe të tjera. Dhe kur u zgjua rreth orës 4:45 të mëngjesit, ishte “sikur asgjë s’kishte ndodhur”.
Që prej atij momenti ai nuk kishte më ethe dhe dhimbje, ndërsa mund të marrë frymë përsëri.
Historinë e tij e ka shpërndarë në Twitter edhe vetë presidenti Donald Trump.
A great early result from a drug that will start tomorrow in New York and other places! #COVIDー19 https://t.co/4F4Qk4WFtK
— Donald J. Trump (@realDonaldTrump) March 23, 2020
