Rreshje dëbore janë regjistruar mëngjesin e sotëm në veriperëndim të vendit. Qyteti i Lezhës dhe zonat përreth janë zbardhur nga bora, një situatë jo e zakonshme për këtë periudhë të vitit. Bora ka qenë mjaftueshëm e dendur sa për të zënë në rrugët e qytetit.
Edhe Shkodra është prekur nga të njëjta kushte klimaterike. Ndonëse jo si në Lezhë, në Shkodër qytetarët janë zgjuar duke parë qytetin nën rreshjet e borës.
Aktualisht nuk raportohet për probleme në qarkullim në rrugët e qyteteve apo ato interurbane.
