Çdo ditë shkencëtarët në të gjithë botën kryejnë studime të ndryshme që të zlulojnë karakteristikat e shfaqjes, simptomat dhe përhapjen e Covid-19
Studime dhe dëshmi paraprake në rastet e ndodhura në Kinë, Korenë e Jugut e në Itali, tregojnë se temperatura e lartë, kollitja dhe mungesa e frymëmarrjes janë disa nga simptomat më të shpështa që hasen tek personat e infektuar.
Por, mjekët në Britaninë e Madhe dhe në Shtetet e Bashkuara thonë se Covid-19 ka një simptomë të re e cila mund ta bëjë shumë më të lehtë indetifikimin e të infektuarve.
Quhet asimptomatikë, bëhet fjalë për ansominë dhe dysgeusinë, e thënë më thjeshtë humbje e nuhatjes dhe shijes.
Veçanërisht humbja e nuhatjes duket një e përbashkët e konstatuar në shumë raste në vendet më të prekura nga koronavirusi, pikërisht si Kina dhe Korea e Jugut.
Fakti është konfirmuar nga Shoqata amerikane e Otorinolaringoiatrisë, dhe nga shoqata simotër britanike në dy deklarata zyrtare, që vijnë disa ditë pasi kjo hipotezë ishte hedhur nga mjek të ndryshëm.
Rëndësia e këtij zbulimi mund të jetë domethënëse, nga momenti që sipas vrojtimeve në Korene e Jugut, pothuajse 30% e pacientëve pozitivë ndaj COVID -19 kishin anosminë, pra mungesën e nuhatjes, si simptomën e tyre të vetme. Në Gjermani, 2 në 3 pacientë kishin mungesën e nuhatjes si simptomë.
Në deklaratën e mjekëve amerikanë, thuhet shprehimisht që personat që shfaqin në këtë periudhë simptoma të anosmisë dhe dysgeusisë duhet të marrin seriozisht në konsideratë vetë-izolimin dhe kërkesën për testim”.
