Kryetarja e Kuvendit, Vjosa Osmani u shpreh kundër mocionit të mosbesimit ndaj qeverisë Kurti të cilën e ka iniciuar partia e saj.
Në një konferencë për media, kryeparlametarja tha se ka pasur hapësirë për dy kryetarët e partive për të gjetur zgjidhje.
“I bëj thirrje të gjithë deputetëve të Kuvendit të Kosovës që mos të përkrahin këtë mocion. As nuk është në kohën e duhur, por mbi të gjitha nuk do t’i prodhojë Kosovës një qeveri tjetër që ka legjitimitet dhe sfidat që ballafaqohet Kosova.
Kosova nuk ka nevojë për një qeveri e cila nuk ka legjitimitet demokratik dhe do të përfshijë në vet veti parti që LDK ka thënë se nuk do të hyj në koalicion me to”, theksoi Osmani.
