Qeveria greke ka bërë me dije diën e sotme se është aprovuar vendimi për lirimin e të burgosurve që kanë më pak se një vit burg për të kryer.
Vendimi është marrë në kuadër të pakësimit të numrit të të burgosurve në burgjet e Greqisë.
Në bazë të vendimit thuhet se do të lirohen të dënuarit që janë mbi 65-vjeç dhe që kanë kryer 1/3 e dënimit. Po ashtu parashikohet lirimi i atyre që janë dënuar deri në 5 vjet për krime të rënda por që u ka mbetur edhe 1 vit për të kryer. Por falë këtij vendimi përfitojnë amnisti edhe shumë shqiptarë të dënuar në Shqipëri.
Ndërkohë nuk përfitojnë të dënuarit për krime ndaj të miturve, përdhunimet, krimet për terrorizëm,vrasjet dhe krimet kundër shtetit. Afati i masave do të jetë për 3 muaj.
Mësohet se në burgjet greke janë pothuajse 12.000 të dënuar, ku shumica prej tyre janë dënuar për krime më pak se 7 vjet.
