UEFA ka arritur një akord paraprak në lidhjenme zhvillimin e ndeshjeve të kampionateve vendase, Champions dhe Europa League, ndonëse zyrtarizimi duhet të presë, pasi situata e krijuar nga koronavirusi është alarmante.
Përkeqësimi i situatës nga koronavirusi bëri që të dukej e pamundur mbyllja e këtyre garave në fund të qershorit, ndaj qeveria evropiane e futbollit do të ketë gati një plan B për të mbyllur sezonin në rang kombëtar dhe ndërkombëtar.
Për këtë arsye, UEFA, Shoqata e Klubeve të Europës dhe Ligat e vendeve anëtare kanë arritur një marrëveshje për një tjetër skenar. Prioritet mbetet mbyllja e kampionateve. Secila Federatë ose Ligë mund të zgjedhë modalitetet që preferon, por sidoqoftë mbetet kusht një kufi kohor që nuk mund të shkelet. Gjithçka duhet të finalizohet deri në mes të korrikut.
Vetëm në këtë mënyrë i hapet rrugë rinisjes së Champions dhe Europa League, për të cilat projektohet një formulë si e një Europiani të vogël: një seri ndeshjesh në vetëm dy javë.
Sipas këtij skenari, sezoni 2019/2020 do të mbyllej në fillim të gushtit, ndërsa nisja e sezonit 2020/2021 nuk mund të shtyhet shumë, pasi në verën e vitit të ardhshëm duhet të zhvillohet Kampionati Europian./Fjala.al/
