Mjeku i Spitalit Infektiv Pëllumb Pipero ka deklaruar se izolimi i popullsisë e ngadalëson përhapjen e koronavirusit, por zgjidhja sipas tij mbetet vetëm vaksina.
Në një lidhje direkte në emisionin Zonë e Lirë, Pipero tha se duke u konsultuar me një studim të fundit mendon se sipas tij “vjeshta ose fundi i këtij viti do të na gjejë me një vaksinë të prodhuar”.
Lidhur me gjendjen e pacientëve të infektuar në Shqipëri, Pipero tha se deri në këtë moment janë shtruar 71 persona, 20% e të cilëve janë nën 50 vjeç dhe 6 janë të intubuar.
Ai iu përgjigj gjithashtu një pyetjeje që është bërë shpesh këto ditë në lidhje me transmetueshmërinë e virusit nga paratë.
Mjeku tha se “njerëzit duhet të lajnë duart dhe jo paratë”, duke lënë të kuptohet se kjo mjafton për të qenë më të sigurt.
