Kryeministri Edi Rama i është përgjigjur kritikave të deputetit Adriatik Alimadhi i cili ka rezultuar pozitiv me koronavirusin, Covid-19.
Duke I uruar shërim të shpejtë ai i ka kërkuar të mos mbistresohet për strategjinë e luftës, pasi për të vendosin ekspertët e shkëlqyer jo politikanët.
“I uroj shëndet e shërim të shpejtë zotit Alimadhi dhe i mirëkuptoj fjalët e tij të tepërta në kushtet në të cilat ndodhet, duke iu lutur të ndjekë këshillat e mjekëve e mos mbistresohet për strategjinë e luftës, të cilën e vendosin ekspertët e shkëlqyer që kemi jo ne politikanët!“, shkruan Rama në Twitter.
