Kryeministri Edi Rama përmes një komunikimi në Facebook me qytetarët iu ka kthyer përgjigje edhe atyre të cilët sipas kreut të qeverisë nuk po e kuptojnë situatën e vërtetë ku gjendet Shqipëria si pasojë e koronavirusit.
Sipas Ramës, kjo është një kohë lufte dhe “nuk është koha të jetojmë por të mbijetojmë”.
Rama garantoi se nuk do të mbetet askush pa u ndihmuar por “nuk mund të zbrazim arkën e shtetit siç nuk mund ta bëjë asnjë shtet, pasi ndryshe do dalim në rrugë dhe do hamë njëri-tjetrit. ”
“Jeni me internet, me Facebook dhe me ajfon dhe thoni se po vdisni për bukë. Por duhet të kuptoni se jemi në luftë. Ju lutem shumë nuk është bërë deti kos. Jemi në luftë dhe të duhet të mbijetojmë. Nuk do të lëmë askënd pa ndihmuar, por nuk mund të zbrazim arkën e shtetit siç nuk mund ta bëjë asnjë shtet, pasi ndryshe do dalim në rrugë dhe do hamë njëri-tjetrit”, u shpreh Rama në komunikimin e tij me qytetarët.
