Gjykata ka caktuar masën e sigurisë “arrest shtëpie” për Klodian Duron, ish-futbollist i Kombëtares Shqiptare. Ai u arrestua tre ditë më parë për shkak se theu urdhrin e mbrojtjes që i ishte caktuar ish-bashkëshortes së tij.
Por sipas avokatit të ish-futbollistit, Duro vajti në banesën e ish-gruas për shkak se ajo nuk e lejonte të takonte vajzën.
“Ata janë në proces divorci dhe çështja ndodhet në Apel. Ish-bashkëshortja nuk e ka lejuar që të takojë vajzën. Më datë 21 vajza ka pasur ditëlindjen dhe ish-bashkëshortja nuk e ka lejuar”, ka thënë avokati Erjon Kullolli.
