Shtohen rastet me Covid-19 në Selinë e Shenjtë. “Aktualisht janë 6 persona të prekur nga Covid-19 në mesin e punonjësve të Selisë së Shenjtë”- deklaroi për mediat zëdhënësi i Vatikanit Mateo Bruni. Por nga ana tjetër, ai konfirmoi se as Papa dhe as bashkëpunëtorët e tij më të ngushtë, nuk janë të prekur nga koronavirusi.
Bruni shpjegoi se pasi 2 rastet e reja me Covid-19 në Vatikan, u shtohen 4 rasteve të mëparshmeve. “Janë marrë masat e duhura shëndetësore, dhe janë kryer teste të reja, në total 170 mbi punonjësit e Selisë së Shenjtë, dhe banorët rezidentë në Domus. Testet e fundit, kanë rezultuar që të gjitha negative”- theksoi më tej ai
Ditët e fundit – theksoi drejtori i zyrës së shtypit të Vatikanit – pas kontrolleve të kryera nga Drejtoria e Shëndetit dhe Higjienës në përputhje me direktivat mbi emergjencën e koronavirusit, u identifikua një tjetër rast pozitiv me Covid-19.
Ai është një oficer i Sekretariatit të Shtetit që banon në Santa Marta, dhe shfaqi disa nga simptomat. Tashmë ndodhet në izolim. Për momentin, gjendja e tij shëndetësore nuk paraqitet shqetësuese. Por si një masë paraprake, ai u shtruar në një spital të Romës, për tu mbajtur nën vëzhgim.
Pas këtij rasti, u morën masat sipas protokolleve shëndetësore të parashikuara, si në lidhje me dezinfektimin e mjediseve, vendit të punës dhe vendbanimit të të sëmurit, ashtu edhe në lidhje me gjurmimin e kontakteve të tij në ditët e fundit. Gjithashtu, autoritetet shëndetësore kryen testime mbi njerëzit që kanë qenë në kontakte më të ngushta, me personin e identifikuar si pozitiv me Covid-19.
S.T
