Koronavirusi ka bërë që të pezullohet një nga ligat më me intensitet në futbollin evropian, siç është Premier League. Futbolli anglez është ndalur të paktën deri më 30 prill.
Megjithatë, në Angli po studiojnë alternativat se si mund të rikthehen në fushën e lojës për të mbyllur kampionatin anglez.
Sipas një opsioni, Premier League mund të transformohet në një format të ngjashëm me atë të Botërorit për klube, 20 skuadra të izoluara për të zhvilluar 6 javë me dyer të mbyllura.
Sipas parashikimeve më të mira futbolli anglez mund të rikthehet mes qershorit dhe korrikut, ndeshje të cilat do të zhvillohen vetëm në disa stadiume të përzgjedhura me kujdes.
Ky është propozimi i fundit i disa klubeve angleze për t’i dhënë fund këtij sezoni.
Opsionet për t’iu rikthyer futbollit parashikohet që klubet të izolohen në resortet e tyre, lojtarë, trajner, stafe mjekësorë, të gjithë të karantinë ku do të dalin nga resortet vetëm për të zhvilluar ndeshje, në mënyrë për të shmangur sa më shumë kontaktet.
Megjithatë, është e pamundur të parashikohet nëse futbolli anglez do të rikthehet në fushë, pasi gjithçka do të jetë në varësi të gjendjes së krijuar nga koronavirusi.
