Prezantuesi i njohur italian Piero Chiambretti është shëruar nga koronavirusi. Lajmin e ka bërë të ditur vetë prezantuesi dhe njëherësh regjisori i njohur italian.
Përmes një mesazhi në Instagram ai thekson se pasi kishte bërë dy tamponë të dy i kishin rezultuar negativë. Sipas tij, ky është një mesazh shprese për të gjithë.
“Kam bërë dy tamponë dhe kanë rezultuar negativ. Ky është një mesazh shprese që dua ta ndaj më të gjithë”- shkruan prezantuesi i ‘CR4-La Repubblica delle donne”.
64-vjeçari doli ditën e djeshme nga spitali ‘Mauriziano’ në Torino dhe është në gjendje të mirë shëndetësore.
Piero Chiambretti ishte shtuar në spital më 16 mars së bashku me nënën e tij pasi ishin prekur nga COVID-19.
Fatkeqësisht nëna e prezantuesit nuk ia doli të fitonte betejën me virusin e tmerrshëm.
“Falënderoj me gjithë zemër personelin mjekësor në spitalin ‘Mauriziano’ që më kujdesën dhe kuruan me vetëmohim, pasion dhe njerëzim të madh. Jam shëruar falë tyre”- shkruan prezantuesi i njohur.
