Në Melburn të Australisë, po bëhen teste për të përcaktuar nëse një vaksinë 100-vjeçare kundër tuberkulozit mund të luftojë koronavirusin. Gjithashtu, nëse ajo mund të na mbrojë kundër infeksioneve të rënda të koronavirusit.
Në shumë vende të botës, Bacillus Calmette-Guerin (BCG) nuk përdoret vetëm si një vaksinë kundër tuberkulozit. Ajo konsiderohet si imunoterapi për kancerin e hershëm të fshikëzës dhe kjo duket se forcon gjithashtu sistemin imunitar të trupit.
“BCG mund të forcojë sistemin imunitar në mënyrë që të jetë më mirë në gjendje të mbrohet kundër një sërë infeksionesh të ndryshme”, tha Nigel Curtis nga Instituti i Kërkimeve për Fëmijët Murdoch në Melbourne, i cili drejton këtë testim.
Punonjësit e spitalit që janë bërë vullnetarë për studimin gjashtëmujor do të vaksinohen me BCG duke filluar nga e hëna. Një total prej 4,000 punonjësve të kujdesit shëndetësor në Australi po marrin pjesë në studim.
