Koronavirusi njohur shkencërisht me emrin Covid-19 ka bllokuar një pjesë të mirë të jetës në të gjithë botën, përfshirë këtu edhe futbollin.
Kampionatet kryesore të këtij sporti në pjesën më të madhe të botës janë ndalur, ose thënë ndryshe kanë ngrirë momentalisht.
Megjithatë problematikës së madhe, kryesisht financiare, me të cilën janë përballur klubet presidenti i Këshillit të Administrimit të Bayern Munchin, Karl-Hainz Rumenige, e sheh këtë gjë si pozitive.
“Kjo krizë mund të jetë një mundësi e madhe për futbollin. Rrogat dhe çmimet e kartonëve në vitet e fundit ishin rritur për keq. Kriza e koronavirusit do të çojë në frenimin e këtyre rritjeve të çmendura. Të gjithë ata që duan sportin tonë po presin ditën se kur do të luajnë sërish. Rikthimi te loja mund të jetë një kontribut i rëndësishëm për rikthimin në normalitet”.-ka thënë Rumenige./Fjala.al/
