Gazetarët që përcjellin lajmet për pandeminë dhe që u duhet të raportojnë çdo detaj duhet të kontrollojnë edhe emocionet, por në disa raste është e pamundur.
Gazetarja e njohur e “Zërit të Amerikës”, Menada Zaimi gjatë një interviste për RTV Ora mbi situatën e koronavirusit në SHBA, u “pushtua” nga emocionet.
E pyetur nga gazetarja Besimira Pelushaj sesi po e përjeton edhe familjarisht këtë situatë, Zaimi mes emocionesh tha se duhet të japim shembullin se duhet të qëndrojmë në shtëpi.
Besmira Pelushaj: Do të doja të ndaje me ne edhe një eksperiencë personale si po e përjeton ti vetë ndryshimin, tani je e detyruar të mos shkosh në punë, jeni duke punuar nga shtëpia, bashkë me kolegët e “Zërit të Amerikës”, edhe familjarisht, si po e përjetoni gjithë këtë gjendje?
Menada Zaimi: Si të gjithë….si të gjithë amerikanët po përpiqemi që ta menaxhojmë situatën brenda shtëpisë tonë. Të japim shembullin që ne qëndrojmë në shtëpi dhe duam të kontribuojmë si gjithë të tjerët që….
Besmira Pelushaj: Është e vështirë, por besoj të gjithë do t’ia dalim së bashku.
Shtetet e Bashkuara është vendi me numrin më të madh të të infektuarve në botë, kur deri tani numërohen mbi 300 mijë raste pozitive dhe mbi 8 mijë të vdekur.
