Një burrë është arrestuar në Rusi me akuzat se ka qëlluar dhe vrarë pesë persona pasi u ka kërkuar atyre të mos jenë të zhurmshëm gjatë izolimit nga koronavirusi.
Burri u arrestua në fundjavë pasi pati një grindje me fqinjët ndërsa qëndronte në ballkonin e banesës së tij. Ngjarja ka ndodhur në fshatin Yelatma, në rajonin Ryazan të Rusisë perëndimore.
“Oficerët e policisë mbërritën në vendin e ngjarjes menjëherë. Burri u arrestua menjëherë pasi u gjetën pesë trupat“, tha departamenti rajonal i Ministrisë së Brendshme për TASS të dielën. “Sipas të dhënave paraprake, ata ishin katër burra dhe një grua”.
Duke qëndruar në ballkonin e banesës së tij, burri kishte “kërkuar nga viktimat që të mos bënin zhurëm”, shtoi TASS, duke cituar Komitetin Hetues Rus.
Pas një zënke, burri dyshohet se ka marrë armën e tij të licencuar dhe qëlloi ndaj tyre, tha agjencia, duke thënë se të pestë vdiqën menjëherë.
Një zëdhënës i gjykatës së rrethit Kasimov i tha TASS se burri rrëfeu për incidentin gjatë marrjes në pyetje, duke thënë se ai kishte vepruar në vetëmbrojtje.
Rusia ka regjistruar më shumë se 6.300 raste me koronavirus dhe 47 vdekje, sipas shifrave të Universitetit Johns Hopkins./CNN
