Presidenti Trump bëri një paraqitje të rrallë në takimin me task forcën e tij ditën e dielë. Takimi u mbajt për të diskutuar rreth ilaçit anti-malaria që Trump e ka promovuar në mënyrë agresive kohët e fundit si një trajtim për koronavirusin.
Ekspertët e paralajmëruan Trump të mos promovonte një ilaç pa u siguruar më parë për efikasitetin e këtij ilaçi, veçanërisht për pacientët me zemër. Por Trump e promovoi atë gjithsesi duke thënë: Unë nuk jam doktor, por kam logjikë.
Ditë pas dite ai ka inkurajuar pacientët e prekur me koronavirus që të provojnë ilaçin e quajtur hidroksilklorinë duke i’u thënë: Çfarë keni për të humbur po e provuat?
Hidroksiklorokina, e njohur me emrin kikina, që përdoret për të trajtuar malarien, lupusin dhe artritin po korr një sukses të madh në kurat që profesori francez Didier Rault po bën në spitalin e tij në Marsejë. Profesor Rault e rekomandon atë në fazën e parë të sëmundjes, për të ulur ngarkesën virale dhe për të mos i lejuar pacientët të rëndohen dhe të shkojnë drejt reanimacionit.
Pas këtyre testeve, në pothuajse 80 pacientë në spitalin e Marsejës (vetëm me një të vdekur), autoritetet mjekësore franceze e kanë përfshirë atë në testet shkencore për të pasur një përfundim të vërtetuar për dobinë e këtij ilaci. Deri më tani kjo nuk ka ndodhur.
Por në kundërshtim me qëndrimin e Trump, Anthony Fauci, këshilltari kryesor shëndetësor i presidentit në grupin e punës për koronavirusin, ka thënë vazhdimisht se ilaçi nuk është provuar shkencërisht se funksionon. Megjithatë spitalet në SHBA u kanë dhënë hidroksiklorinë pacientëve me koronavirus, duke arsyetuar se është relativisht i sigurt dhe ka të ngjarë të mos shkaktojë dëme. Ilaçi nuk konsiderohet i sigurt për njerëzit me ritme jo të rregullta të zemrës.
Por si gjithmonë mediat kritike ngrenë pyetjen se pse Presidenti amerikan po mbron kaq me zell këtë molekulë, megjithë paralajmërimet e imunologut Anthony Fauci, një nga ekspertët më të mirë në administratën e tij?
E përditshmja ‘New York Times’ është marrë me këtë çështje dhe sipas saj, Trump është i lidhur drejtpërdrejt me kompani të caktuara farmaceutike që prodhojnë ilaçe të bazuara në hidroksilklorinë.
Mendohet që Trump ka aksione në kompaninë franceze ‘Sanofi’ dhe një nga financuesit e fushatës së tij dhe republikanëve, Fisher Asset Management, një fond investimesh i menaxhuar nga Ken Fisher është një ndër aksionerët kryesorë të Sanofi-t.
Disa spitale në Suedi ndaluan sigurimin e hidroksilklorinës për të trajtuar koronavirusin pas raporteve për efekte anësore të dëmshme, sipas mediave suedeze të lajmeve.
Administrata e Ushqimit dhe Barnave në Amerikë, e cila ka aprovuar hidroksiklorurinë si një trajtim për malarje dhe lupus, lëshoi një urdhër urgjence në fund të muajit të kaluar, duke i lejuar mjekët ta administrojnë atë te pacientët me koronavirus nëse e shihnin të përshtatshme. Z. Trump tha se qeveria federale do të shpërndajë 29 milion doza dhe se ai kishte folur me kryeministrin Narendra Modi të Indisë duke i kërkuar më shumë.
Më tej bëhet me dije se disa prodhues droge gjenerikë janë duke u përgatitur të prodhojnë pilula hidroksilklorine, duke përfshirë ‘Amneal Pharmaceuticals’, bashkëthemeluesi i të cilit Chirag Patel është anëtar i ‘Trump National Golf Course’ në Neë Jersey dhe ka luajtur golf me zotin Trump të paktën dy herë që kur u bë president, sipas një personi që i pa.
Dr Daniel H. Sterman, drejtori i kujdesit kritik në NYU Langone Health, tha që mjekët atje po përdorin hidroksilklorinë, por të dhënat për efektivitetin e saj mbetën “të dobëta dhe të pabazuara” në pritje të studimit. “Ne nuk e dimë nëse pacientët tanë po përfitojnë nga trajtimi hidroksilklorina në këtë kohë,” tha ai./Fjala.al/Përshtati: Kamela Liko/Burimi: The New York Times
