Djali i presidentit serb, Aleksandër Vuçiç, Danilo Vuçiç ka rezultuar pozitiv me koronavirus. Lajmin e ka bërë të ditur vetë kreu i shtetit serb, Aleksandar Vuçiç në Instagram.
“… Danilo i im më tha se dorëzimi nuk është një opsion. Fëmija im i parë u infektua me koronavirus dhe tabloja e tij klinike ishte e tillë që ai u pranua në Klinikën e Sëmundjeve Infektive. Bir, do të fitosh. Babi të do, të gjithë të duam”, ka shkruar Vuçiç.
Disa ditë më parë vetë presidenti serb nuk u paraqit në një konferencë për mediat, por në vend të tij foli ministri i Financave i Serbisë, Sinisha Mali dhe presidenti i Dhomës së Tregtisë Serbe, Marko Cadez.
Sipas mediave serbe, në fjalën e tij, Mali tha se masat duhej të ishin prezantuar nga Aleksandër Vuçiç por ky i fundit nuk ndihej mirë nga ana shëndetësore. Ndërsa tashmë nga koronavirusi është prekur edhe i biri.
