Në historinë e saj mbi 100-vjeçare, nuk ka ndodhur kurrë që Vogue të ketë pasur një kopertinë, të bardhë, boshe. Për herë të parë, në numrin e majit prill, Vogue Italia vjen me një kopertinë të bardhë të zbrazët, e cila do të botohet të premten, më datë 10.
Në një postim në mediat sociale, Vogue Italia shpjegoi pse kopertina e këtij muaji do të jetë boshe:
“Në historinë e saj më shumë se 100-vjeçare, Vogue ka dalë nga luftërat, krizat dhe sulmet terroriste. Rreth 2 javë më parë ne ishim duke shtypur një numër që kishim planifikuar për një kohë të gjatë, i cili përfshinte L’Uomo Vogue, në një projekt binjak , por të flasim për diçka tjetër në një kohë kur njerëzit po vdesin, mjekët dhe infermierët po rrezikojnë jetën e tyre dhe bota po ndryshon përgjithmonë – nuk është ADN-ja e Vogue Italia.
Prandaj, ne anuluam projektin dhe filluam përsëri. Vendimi për të shtypur një kopertinë të bardhë, për herë të parë në histori, nuk erdhi sepse na munguan fotografitë – krejt e kundërta. Ne e zgjodhëm atë sepse e bardha simbolizon shumë gjëra menjëherë.
E bardha është, mbi të gjitha, respekt.
E bardha është rilindja, drita pas errësirës, përmbledhja e të gjitha ngjyrave.
E bardha është ngjyra e uniformave të atyre që rrezikojnë jetën e tyre për të shpëtuar tonën.
Ajo përfaqëson hapësirë, kohë për të menduar dhe në të njëjtën kohë për të heshtur.
E bardha është për ata që po e mbushin këtë kohë dhe hapësirë boshe me ide, mendime, histori, rreshta, muzikë dhe kujdesin për të tjerët.
Bardha na kujton kur, pas krizës së vitit 1929, kjo ngjyrë e pandryshuar u adoptua për rrobat, si një shprehje pastërtie në të tashmen dhe shpresën në të ardhmen.
Mbi të gjitha e bardha nuk është dorëzim, por një fletë e zbrazët letre që pret të shkruhet titulli i një historie të re. “/Classlifestyle
