Ashtu siç veproi Kina menjëherë pas shpërthimit të koronavirusit duke ndërtuar brenda pak ditësh një spital të ri në Ëuhan, edhe Britania e Madhe ka bërë të njëjtën gjë. Në Londër është ndërtuar brenda 9 ditësh një spital gjigant që do të trajtojë të infektuarit me COVID-19.
Qeveria ka marrë në përdorim ambientet e qendrës ‘’ExCeL’’ për t’i kthyer në qendër spitalore dhe raportohet se pagesa mujore e qirasë do të jetë midis 2 dhe 3 milionë paund.
Pacienti i parë është dërguar dje në NHS Nightingale Hospital, ndërkohë që pritet të mbërrijnë edhe shumë të infektuar të tjerë.
Me një kapacitet prej 4 mijë shtretërish, spitali ka nevojë për një staf prej 16 mijë njerëz që të vihet në funksionim të plotë.
60,733 është numri i personave të infektuar në Britani, ndërsa 7,097 njerëz kanë ndërruar jetë. Por sipas një studimi të publikuar dje në mediat vendase, parashikohet që vendi të goditet nga një numër i lartë vdekjesh që mund të arrijnë deri në 60 mijë.
