Anderlehti i Belgjikës është shndërruar në një arenë përplasjesh mes policisë dhe të rinjve të këtij qyteti pas vdekjes së një 19-vjeçari në aksident ndërsa ndiqej nga policia.
Të rinjtë e këtij qyteti kanë bërë me faj policinë, si shkaktare të aksidentit të 19-vjeçarit, i cili kishte thyer rregullat e karantinimit dhe po ndiqej nga policia.
Policia kishte pikasur 2 të rinj me skuter, dhe iu kishte kërkuar të ndalonin për shkak të masave të marra ndaj koronavirusit.
Njëri prej të rinjve zbriti nga motori dhe u largua me vrap ndërsa 19-vjeçari vijoi të ecte me shpejtësi duke e ngarë skuterin në anën e gabuar gjë e cila bëri të përplasej me një makinë tjetër të policisë, shkruan The Brussles Times.
Të rinjtë e qytetit bëjnë fajtore policinë si shkaktare e aksidentit të 19-vjeçarit dhe për këtë ata kanë protestuar pranë stacionit të metrosë Clemenceau në Place du Conseil d’État, të bashkisë së Anderlecht.
Ata janë përplasur me policinë duke lëshuar gurë dhe tulla mbi makinat e policisë.
Dosja e kësaj ngjarjeje i ka kaluar prokurorisë dhe do jetë organi i akuzës ai që do të vlerësojë ngjarjet dhe rrethanat e saj./Përshtati nga The Brussels Times për Fjala.al, B. Quku
