Megjithëse flitet se të rinjtë nuk i prek koronaviursi, në Itali janë regjistruar rreth 2000 fëmijë të prekur me Covid-19. Sipas të dhënave të Ministrisë së Shëndetësisë, 60 fëmijë ndodhen të shtruar në spital.
Në një deklaratë për mediat, mjeku pediatër në Itali, Alberto Villani tha se fëmijët duhet të vaksinohen sipas programit të parashikuar, madje është dhe më e nevojshme në këtë periudhë.
“Çdo proces i vaksinimit mund dhe duhet të vazhdojë. Do të thosha edhe më shumë në këtë periudhë. Të gjithë ata që duhet të vaksinohen gjatë vjeshtës duhet të bëhen gati ta bëjnë një gjë të tillë. Asnjëherë, si këtë vit, nuk do të jetë më e rëndësishme që fëmijët të vaksinohen”, tha pediatri Villani./Fjala.al
