Abdullah Kurdi është babai i trevjeçarit sirian Alan Kurdi, që vdiq ndërsa përpiqej që të arrinte në Evropë. Babai i tij jap lajmin e mirë se ka ardhur në jetë një fëmijë tjetër, ndërsa e ka përkujtuar të birin e humbur duke i vënë emrin e tij.
Në shtator të vitit 2015, ai e kishte parë bashkëshorten dhe dy fëmijët teksa mbyteshin, si pasojë e mbushjes së tepër të barkës me të cilin lundronin për në Kos të Greqisë.
Fotografia e trupit të Alanit të pajetë në bregdetin grek, krijoi valë tronditëse në të gjithë botën, duke shkaktuar veprime nga qeveria dhe rritje të donacioneve për bamirësi që të ndihmohen refugjatët.
Që atëherë, Kurdi është zhvendosur në Kobani, në kufirin mes Sirisë dhe Turqisë, ku u martua me gruan e tij të dytë Fayize, dy vjet më parë.
“I lutem Zotit, që më dërgoi mua dhe gruas sime një fëmijë. Duam që të rritet i lumtur, të shkollohet dhe të bëjë jetë normale”, ka thënë Kurdi, për fëmijën e porsalindur që e mbante në krah./Burimi: Daily Mail
