Mjeku shqiptar reaminator, Teni Kamberi në një intervistë për ‘Vizioni i pasdites’, është shrehur se metoda e kurimit nga plazma e një personi që ka fituar betejën me Covid-19 është efikase.
“Përsa i përket plazmës kjo e ka një logjikë të vetën. Përdorimi i plazmës është bërë historikisht edhe më parë edhe shkencërisht qëndron. Plazma e një personi që ka qenë i prekur me covid-19 që ka krijuar antitrupa është e vlefshme,” u shpreh mjeku shqiptar.
Gjithashtu mjeku Kamberi ka folur dhe për përdorimin e klorokinës e cila sipas tij nuk është medickament i thjeshtë sepse ka shumë efekte anësore ndaj Franca ka nxjerrë një ligj që ky medikamet të përdoret vetëm në spitale dhe jo të merret nga çdo kush nëpër farmaci.
“Në nivel europian është duke u bërë një studim europian që quhet ‘discovery’, duke u trajtuar pacientë me një kontigjent diku me 3 mijë pacientë. Në këtë grup ka protokolle të ndryshme ku përdoren antiviralë, antibiotikë dhe në mesin e këtyre është klorokina vetëm dhe ajo e kombinuar me antibiotikë. Në Francë ka dalë me ligj dhe klorokina nuk është medikament i thjeshtë sepse ka shumë efekte anësore. Ligji në Francë është që ky medikament mund të përdoret në ambientet spitalore dhe jo cdo pacient të shkojë në farmaci, sic ndodhi në fillim kur e morën vesh. Është një nga trajtimet por nuk është akoma definitiv.”, shtoi mjeku.
