Gjatë 24 orëve të fundit në Maqedoninë e Veriut janë regjistruar tre viktima nga koronavirusi, Covid-19 duke e çuar numrin e përgjithshëm të vdekjeve në 49.
Autoritetet maqedonase kanë bërë me dije se viktimat janë; një 85-vjeçar nga Kumanova, një 77-vjeçar nga Krusheva dhe një 64-vjeçar nga Llabinusha e Strugës.
Sipas të dhënave të publikuara nga Ministria e Shëndetësisë maqedonase, gjatë 24 orëve të fundit janë konfirmuar pozitiv me koronavirus 36 raste të reja duke e çuar numrin e përgjithshëm të infektuarve në 1.117./Fjala.al
