17 shtetas shqiptarë janë riatdhesuar dhe janë akomoduar në dy hotele në qytetin e Kukësit.
Shtetasit punonin dhe jetonin përkohësisht në Kosovë, por pas mbylljes së kufinjve nuk mundën të ktheheshin dot në Shqipëri. Këta shtetas kanë hyrë në territorin shqiptar nga pika kufitare e Morinës, pasi kishin aplikuar për riatdhesim.
17 shqiptarët janë akomoduar në dy hotele në qytetin e Kukësit duke i’u nënshtruar rregullave të karantinimit për 14 ditë. Ndërkohë hotelet e karantinimit në Kukës që do të ruhen nga ushtria, ndërsa kamerat do të monitorohen nga Policia e Shtetit.
