MRNA-1273 nga kompania amerikane “Moderna Inc.”. Ajo përdor ARN-në e virusit për ta nxitur trupin tonë të prodhojë nga një nga proteinat kryesore nga të cilat përbëhet Covid-19, duke krijuar një përgjigje imune. Kompania njoftoi më 16 prill, se do të marrë 483 milionë dollarë nga qeveria amerikane për zhvillimin dhe testimin e vaksinës.
Kompania e njohur “Johnson & Johnson”, është duke punuar mbi një vaksinë të bazuar në adenovirusi, si dhe dy kopje rezervë. Ajo nuk i ka vënë ende asnjë emër vaksinës. Por ka në plan të nisë testimet mbi njerëzit në shtator, dhe po shton kapacitetet për të prodhuar deri në 1 miliardë doza të kësaj vaksine.
INO-4800 nga kompania amerikane “Inovio Pharmaceuticals Inc”. Kjo vaksinë eksperimentale, përdor AND-në e virusit, për të aktivizuar sistemin imunitar të një pacienti. Ajo ka nisur testimin e vaksinës në fillim të këtij muaji, ndërsa një studim më i madh pritet deri në fund të këtij viti.
BNT162 nga kompanitë “BioNTech SE” dhe “Pfizer Inc.” Ato e zgjeruan një marrëveshje ekzistuese bashkëpunimi mbi vaksinat e gripit, për të përfshirë edhe vaksinën ndaj Covid-19. Testimet nisin brenda këtij muaji.
Ad5-nCoV nga kompania kineze “CanSino Biologics Inc”, në bashkëpunim me laboratorët e ushtrisë kineze. Ajo është e gjeneruar gjenetikisht me një virus mutant, që është dëmtuar nga shumimi. Kompania farmaceutike e ka përfunduar tashmë studimin e parë të sigurisë, dhe një studim më i madh pritet të nisë së shpejti.
NVX-CoV2373 nga kompania “Novavax Inc.”, Kjo vaksinë synon të krijojë antitrupa që shpërbëjnë një proteinë, të cilën koronavirusi i ri e përdor për të infektuar organizimin ku depërton. Testimi i parë tek rreth 130 pacientë, pritet të fillojë në mes të majit, ndërsa rezultatet paraprake do të publikohen në korrik.
Kompanitë franceze “Sanofi” dhe “GlaxoSmithKline Plc”, po punojnë mbi një vaksinë të cilës nuk i kanë vënë ende një emër. Ato po përdorin të njëjtën teknologji me një nga vaksinat e gripit. Testimi i vaksinës mbi njerëzit do të nisë në gjysmën e dytë të këtij viti, me qëllim që të mund të përdoret gjerësisht në gjysmën e dytë të vitit të ardhshëm.
