Partia Demokratike ka reaguar ndaj kryeministrit Edi Rama lidhur me akuzën e kryeministrit se opozita vijon të këndojë këngën e vjetër.
Përmes ish-deputetit Enkelejd Alibeaj, Partia Demokratike thekson se Rama është ai që nuk e do bashkëpunimin me opozitën dhe kërkon që të mos denoncohet korrupsioni.
Sipas ish-deputetit kreu i qeverisë bën korrupsion tani, kur shqiptarët po vuajnë për bukën e gojës, në një kohë për mjekët përballen të pambrojtur dhe kur policët duhet t’i sigurojnë vetë maskat e dorezat.
“Edi Rama nuk e do bashkepunimin me opoziten. Ai do qe opozita te mos denoncoje korrupsionin qe po ben ai edhe tani, ne kulmin e pandemise me tendera gjoja te klasifikuar si “sekret”. Edi Rama ben korrupsion tani, kur shqiptaret po vuajne per buken e gojes, kur mjeket perballen te pambrojtur, kur policet duhet te sigurojne vete maska e doreza. Pikerisht ne kete situate Rama nuk heq dore nga vjedhja dhe abuzimi. Ndaj per kete Edi Rames i duhet qe opozita te heshte dhe te mos flase per testimet e munguara, per mjeket e infektuar, per fasonerite qe jane kthyer ne vatra infeksioni, per mungesen e parave qe duhet t’u shperndaheshin qytetareve. Si cdo opozite ne nje vend demokratik, Lulzim Basha deshmoi se interesi i PD ishte jeta dhe shendeti i qytetareve. Edhe pse opozita u perball me sulme te vazhdueshme politike ajo vazhdoi te vere interesin e qytetareve mbi cdo interes partiak”, shkruan demokrati.
Më herët Rama në një intervistë televizive tha se opozita nuk ka reflektuar as gjatë kohës së pandemisë dhe sipas tij po punon kundër qytetarëve dhe po ngjall panik tek ata. Ai shtoi se ka kërkuar disa herë bashkëpunim, por është refuzuar.
