Universiteti i Vjenës është duke zhvilluar një studim se si reagon sistemi imunitar i njerëzve që shërohen nga koronavirusi. Rezultatet do të shërbejnë për të kuptuar reagimin e sistemit imunitar dhe kjo do të bëjë të mundur zbulimin e një vaksine.
“Studimet do të na ndihmojnë të kuptojmë nëse dikush nga këta pacientë po zhvillon imunitet pas infeksionit. Rezultatet e studimit kanë për qëllim ndërtimin e një baze të fortë argumentesh dhe faktesh për zhvillimin e një vaksine”, tha Rudolf Valenta nga Qendra për Patofiziologji, Infektivë dhe Imunologji pranë Universitetit të Mjekësisë në Vjenë.
Gjithashtu Valenta shtoi se duhet të llogarisim dh faktin që virusi është i ngjashëm me gripin dhe se ekziston mundësia që ai të përsëritet.
Studiuesit janë duke zhvilluar një test nga i cili do të kuptojnë nëse antitrupat do të pengojnë lidhjen e virusit me qelizat pritëse apo jo, ndërsa planifikohet edhe studimi për përgjigjen imunitare qelizore.
“Analiza do të jetë shumë komplekse dhe nuk do të jemi në gjendje që menjëherë t’ju themi të anketuarve nëse janë imunë apo jo”, ka shtuar Valenta.
