Kryeministri Edi Rama ka shpjeguar se si do të veprohet tani e tutje me koronavirusin. Në një lidhje live për mediat, kreu i qeverisë tha se tashmë të gjithë do të duhet të luajmë me koronavirusin si macja me miun.
“Atëherë si i bëhet? I bëhet tamam si ajo shprehja ‘luan macja me miun’. Miu nuk rri do pa dalë nga vrima se përndryshe ngordh, por kur del e ka mendjen jo vetëm të ushqehet por edhe të mos kthehet në ushqim për vetë macen. Ne do të kishim pasur fatin e atij miut të pavëmendshëm nëse nuk do të kishim qenë kaq të shpejtë dhe të vëmendshëm qëkurse ky armik na erdhi në derë, si një mace e egër në kërkim të ushqimit të trupave tanë dhe të njerëzve tanë më të dashur”, u shpreh Rama.
Ai shtoi gjithashtu se bota nuk do të jetë njësoj derisa të gjendet vaksina dhe të zhduket koronavirusi. Ndërsa shpjegoi se njerëzit duhet të sillen siç kanë bërë deri më tani, duke punuar me kufizime dhe duke treguar kujdes, derisa të gjendet vaksina ndaj Covid-19.
Edi Rama: Virusi nuk ikën meqë ne po rrimë mbyllur, por nuk na vret dot. Por ama ai është aty. Është mbrapa derës secilit prej nesh. Sapo e hapim derën e shtëpisë sonë për të dalë ne jemi të ekspozuar nga mundësia që ai të na godasë përsëri. Deri kur të dalë vaksinë duhet të jemi të vëmendshëm si individë, si shoqëri për t’u mos u goditur nga virusi. Deri në daljen e vaksinës normaliteti ynë nuk do t’i ngjajë normalitetit përpara se sa të niste kjo luftë e papritur. Bota nuk do të jetë njësoj pa u zhdukur ky armik. Imagjinoni vetëm këtë që për të ruajtur veten, familjen dhe të tjerët, ne nuk duhet të shkelim më në shtëpinë e njëri-tjetrit pa u zhdukur më parë ky armik. Por nga ana tjetër as nuk mund të rrimë mbyllur pa fund sepse është njësoj si të mbyllesh familjarisht në shtëpi pa mundur më të gjenerosh të ardhura për familjen pasi të kanë mbaruar edhe kursimet dhe iu ka mbaruar, larg qoftë, edhe të afërmit dhe miqtë që mund t’ju ndihmojnë . E pa imagjinueshme për të gjitha shtetet bashkë që janë shumë të ndërvarur nga njëri-tjetri. Atëherë si i bëhet? I bëhet tamam si ajo shprehja ‘luan macja me miun’. Miu nuk rri do pa dalë nga vrima se përndryshe ngordh, por kur del e ka mendjen jo vetëm të ushqehet por edhe të mos kthehet në ushqim për vetë macen. Ne do të kishim pasur fatin e atij miut të pavëmendshëm nëse nuk do të kishim qenë kaq të shpejtë dhe të vëmendshëm qëkurse ky armik na erdhi në derë, si një mace e egër në kërkim të ushqimit të trupave tanë dhe të njerëzve tanë më të dashur.
