Ditët kur gjenim bileta fluturimi të lira duket se u ka ardhur fundi, pasi kompanitë ajrore do të detyrohen të prezantojnë masat e distancës fizike në avionët e tyre, për shkak të pandemisë Covid-19.
Alexandre de Juniac, drejtori i përgjithshëm i Shoqatës Ndërkombëtare të Transportit Ajror (Iata) ne nje konference per mediat u shpreh se nëse avonët do të merrnin më pak pasagjerë për shkak të distancave sociale që duhet të ketë gjithsecili, linjat ajrore do të duhet të rrisin çmimet e biletave me të paktën 50% ose do të falimentojnë.
“Nëse do të fluturoni me të njëjtin çmim, duke shitur biletën me të njëjtin çmim mesatar si më parë do të humbisni para, por në këtë forme do të jetë e pamundur t’i kryeni të gjitha fluturimet; ose do të rrisni çmimet e biletave me të paktën 50% dhe do të jeni në gjendje të fluturoni me një fitim minimal. Kjo do të thotë që, nëse detyrohet distanca fizike në avionë, fluturimeve me çmime të lira u vjen fundi”, tha ai.
Sipas Iata-s, trafiku ajror i brendshëm është ulur me 70% që nga fillimi i janarit për shkak të pandemisë dhe rikuperimi i këtij sektori në të gjithë botën do të jetë i ngadaltë. Ndërsa rrugët e brendshme do të hapen më shpejt se udhëtimet jashtë vendit, mungesa e besimit të klientëve do ta vështirësojë rikuperimin./The Guardian
