Tenisti i njohur, Rafael Nadal foli këtë të hënë me kolegët e tij profesionistë Andy Murray, Roger Federer dhe Marc Lopez në një takim virtual të organizuar nga ai përmes Instagramit. Gjatë bisedës së tij me Murray dhe Manacor me shaka zbuloi një nga planet e tij fatshkurtra, atësinë.
Britaniku diskutoi për disa aspekte të rutinave të tij me Nadal gjatë izolimit për shkak të koronavirusit, të tilla si qëndrimi zgjuar deri vonë duke parë televizor dhe më pas “fëmijët e mi më zgjojnë në orën gjashtë në mëngjes”. Përballë këtij rrëfimi, Nadal tha: “Shpresoj të jem në situatën tënde në një kohë të shkurtër”.
Rivali i tij këmbënguli dhe rekomandoi që “tani është një kohë e mirë sepse ne jemi në shtëpi gjatë gjithë kohës me familjen”.
Shumë aktiv në rrjetet e tij sociale, tenisti përfiton gjithashtu nga mbyllja për të vendosur rregull në shtëpi ose për të gatuar.
I martuar me të dashurën e tij, Mery Perello, që nga tetori i kaluar, është duke qëndruar në Mallorca. Nuk është hera e parë që Nadal shpreh dëshirën e tij për t’u bërë baba, në vitin 2017 ai deklaroi : “Unë kam qëllimin dhe iluzionin për të filluar një familje. Unë i dua fëmijët dhe do të dëshiroja që fëmijët e mi të bëjnë atë që u pëlqen. “/Fjala.al/KaterinaTafa/
