Një gazetar kinez i cili u zhduk pasi postoi video nga Wuhan-i gjatë shpërthimit të koronavirusit, ka treguar së fundmi se çfarë ndodhi me të.
Li Zehua u pa për herë të fundit më 26 shkurt gjatë një videoje live ku dukej një makinë që e ndiqte.
Në atë kohë ai tha: “Unë nuk dua të hesht, ose të mbyll sytë dhe veshët. Unë jam duke e bërë këtë sepse dua që shumë të rinj si unë, të ngrihen në këmbë. ”
Në një video të re të postuar në YouTube, gazetari është rishfaqur dhe ka shpjeguar se çfarë ndodhi kur u arrestua.
Ai tregoi sesi e ndoqën me makinë. Kur u kthye në banesën e tij, ai pa policinë me kostume mbrojtëse që trokisnin në dyert e fqinjëve të tij.
Pasi priti tre orë në banesën e tij me dritat e fikura, ai dëgjoi një trokitje në derë dhe tre oficerë të sigurimit publik hynë brenda.
Gazetari tregoi se shkoi me ta në një stacion lokal policie dhe aty i thanë se po hetohej me akuzën e prishjes së rendit publik dhe që do e fusnin në karantinë.
Ai tregoi se një muaj të tërë ai u izolua dhe monitorohej nga rojet e sigurimit.
“Gjatë gjithë kohës, policia ka vepruar në mënyrë qytetare dhe të ligjshme, duke u siguruar që të kem pushim dhe ushqim. Ata me të vërtetë u kujdesën për mua “, tregoi ai.
Ndërkohë, ,Kina akuzohet për censurë dhe persona të tjerë të cilët gjurmuan fillimisht virusin, janë ende të zhdukur pa gjurmë./Fjala.al/Burimi: The Sun
