Një italiane 23-vjeçare është një nga personat e parë në Bolonja të Italisë, e cila është infektuar me koronavirus, sipas gazetës vendase “Il Corriere”.
Bianca Dobroiu ka 56 ditë që vazhdon të rezultojë pozitive me Covid-19, por më e çuditshmja qëndron në faktin se ajo nuk ka shfaqur kurrë asnjë simptomë.
Ajo kishte dalë nga spitali më 6 mars dhe më pas ka vijuar të qëndrojë në vetëizolim, pasi gjendja e saj shëndetësore nuk ishte kritike.
Prej kësaj kohe ajo vazhdimisht i është nënshtruar testeve të COVID-19 dhe katër herë ka rezultuar pozitive, kurse në një rast rezultatet kanë qenë shumë të paqarta.
Testi i saj i fundit – i gjashti që është realizuar gjatë javës së kaluar, gjithashtu ka rezultuar të jetë pozitiv.
“Pacientja ishte në gjendje të mirë shëndetësore, por testet vazhdojnë të tregojnë se ajo është pozitive. Jemi duke e hulumtuar me kujdes rastin e saj. Me sa e dimë, askush deri më tani në Itali nuk ka rezultuar kaq gjatë pozitiv në testet e COVID-19. Kjo gjendje zgjat jo më shumë se katër javë”, ka deklaruar infektologu Lussiano Atard.
